Лига Европа: Елмас и Адеми ги очекуваат ривалите во нокаут-фазата
Со почеток од 13.00 часот во седиштето на УЕФА, Нион, ќе се одржи ждребот за 1/16 финалето во Лига Европа, а помеѓу 32 екипи ќе се најдат и двајца македонски репрезентативци, Елиф Елмас со Наполи и Аријан Адеми со Динамо Загреб.
Има вкупно 16 носители и исто толку неносители. Помеѓу носителите се победниците од 12 крупи во ЛЕ (во ова друштво се наоѓаат токму Наполи и Динамо Загреб) и четирите најдобри третопласирани од групите во Лигата на шампионите, додека неносители се второпласираните од Лига Европа и четирите најлоши третопласирани од ЛШ.
Клубовите кои беа во иста група во Лигата на Европа не можат да играат еден против друг, а правилото важи и за клубовите од иста земја. За Динамо тоа значи дека не може да го извлече австрискиот Волфсбергер, а Наполи не може барем во овој дел од нокаут фазата со Реал Сосиедад.
Поради чувствителни политички прашања, нема да можат да се сретнат меѓу себе клубовите од Русија и Украина. Носителите ќе бидат домаќини на реванш средбите на 25 февруари 2021 година, а првите натпревари од 1/16 финалето се на 18 февруари.
Лига Европа, 1/16 финале –
Носители: Милан, Арсенал, Ајакс, Клуб Бриж, Динамо Загреб, Хофенхајм, Лестер, Баер Леверкузен, Манчестер јунајтед, Наполи, ПСВ, Ренџерс Рома, Шахтјор, Тотенхем, Виљареал.
Неносители: Антверп, Бенфика, Брага, Црвена звезда, Динамо Киев, Гранада, Краснодар, Лил, Макаби Тел Авив, Молде, Олимпијакос, Реал Сосиедад, Салцбург, Славија Прага, Волфсбергер, Јанг Бојс.