Се одиграа првите натпревари од осминафиналето во фудбалската Лига Европа, екипите на Базел и Манчестер јунајтед се многу блиску до пласман во наредната фаза.

Базел со 0:3 пред празни трибини (поради епидемијата на коронавирусот) во Франкфурт убедливо совлада германскиот Ајнтрахт.

Стрелци на головите за швајцарскиот клуб беа Кампо во 27 минута, Потоа Буа во 73`, а конечниот епилог го постави Фреј (85`).

Манчестер јунајтед на празниот стадион во австрискиот Пашинг со 0:5 го декласираше ЛАСК и со една нога е веќе во четвртфиналето.

Во дресот на „црвените ѓаволи“ по еднаш во листата на стрелците се запишаа Игало, Џејмс, Мата, Гринвуд и Перејра.

Турскиот Башакшехир кој пак имаше имаше поддршка од трибините, минимално со 1:0 славеше над данскиот ФК Копенхаген. Победата на домаќините ја донесе Вишча од пенал во 88. минута.

Потсетување дека поради епидемијата на коронавирусот одложени се мечевите Севиља-Рома и Интер-Хетафе, додека вечерва од 21.00 часот играат Олимпијакос-Вулверхемптон, Ренџерс-Леверкузен и Волфсбург-Шахтјор Доњецк.