Курти по средбата со Вучиќ: Ќе биде тешко, но јас сум оптимист
Премиерот на Косово, Албин Курти, по средбата со претседателот на Србија, Александар Вучиќ, во Брисел, во рамките на новата рунда дијалог меѓу Белград и Приштина, изјави дека од негова гледна точка, средбата била конструктивна и „за суштината на проблемот “.
„Немало никакви инциденти или ситуации кога би биле на работ на инцидент. Ќе биде тешко, но јас сум оптимист. Сега имаме искрен пристап кон проблемите и суштината на нашиот конфликт е недостатокот на меѓусебно признавање – ниту Србија го признава Косово, ниту Косово ја признава Србија. Тоа треба да се промени “, рече Курти.
Заедно можеме да одиме по европскиот и евроатлантскиот пат многу побрзо отколку што мислат другите. Нашите односи треба да се подобрат врз принципот на реципроцитет – национален совет за Албанците и Бошњаците што постои во Србија може да се формира и на Косово за Србите, рече тој.