Крај за Медведев, Ѓоковиќ полуфиналист на Олимписките игри во Токио
Најдобриот тенисер на светот обезбеди пласман во следната рунда на Летните олимписки игри во Токио после 70 минути игра.
Првиот светски рекет се пласираше во полуфиналето на олимпискиот тениски турнир откако рутински го совлада домашниот тенисер Кеи Нишикори со 2:0 во сетови 6:2, 6:0.
Србинот славеше во четвртфиналето по само 70 минути игра и сега го делат уште само две победи до златото.
Во првиот сет Ѓоковиќ му препушти само два гема на противникот од Јапонија. Во вториот сет Ноле одигра без грешка, а со три добиени брејка и три безбедни сервис гемови ја заврши задачата со 6:0.
Најдобриот играч ќе игра во полуфиналето против победникот од пресметката помеѓу Александар Зверев и Жереми Шарди.
Веќе е позната првата полуфинална двојка, Русинот Хачанов кој со 7:6 (4), 4:6 и 6:3 го совлада Умбер од Франција, за финале ќе игра против Шпанецот Карењо-Буста кој со 2:0 го елиминираше Медведев од Русија.