Коронавирус во редовите на Херта, одложени три натпревари во Бундеслигата
Информациите велат дека комплетниот тим од Берлин во наредните 14 дена ќе биде во карантин..Во период кога фудбалерите на Херта го подигнаа нивото на играта, континуирано освојувајќи бодови и отворајќи го патот кон опстанок во Бундеслигата, моментно се соочува со проблеми.
А причината е коронавирусот кој ја зафати соблекувалната на Херта, пет члена на првиот тим добија позитивни тестови, а берлинскиот тим стравува дека ќе се појават нови случаи во наредните денови.
Директорот на Херта, Андре Фридрих, во петокот потврди дека норвешкиот голман Рун Јарстеин има симптоми по враќањето од репрезентативната пауза, но првиот ПЦР покажа дека е негативен.
Состојбата на Норвежанецот се влоши, тој беше изолиран и помина извесно време во болница. Во меѓувреме, Јарстаин беше пуштен на домашно лекување, заздравувањето му оди добро, а вчера тренерот Пал Дардаи, неговиот помошник Адмир Хамзагиќ, напаѓачот Доди Лукебакио и Марвин Платенхарт добија позитивни тестови на ковид-19.
Клубот немаше друг избор освен да го стави во карантин целиот тим. Фудбалерите и стручниот штаб на Херта ќе поминат две недели во изолација, а првите луѓе на германскиот фудбал ги одложија следните три натпревари на Херта во Бундеслигата (Мајнц, Фрајбург, Шалке). Новите датуми на натпреварите ќе бидат објавени следната недела, а веќе е јасно дека Херта ја очекува густ распоред во завршницата од Бундеслигата во битката за опстанок.