Пејачката Мелани Браун, попозната како Мел Би од групата „Спајс грлс“, ова лето дури двапати му го кажа судбоносното „да“ на избраникот Рори Мекфи, уживајќи во две раскошни свадби во Лондон и Мароко. И во сè, таа најде начин да заштеди пари – ги облече деверушите во фустани што ги купила на попуст од продавница за половна облека.

Наместо скапи дизајнерски модели, таа избрала пристапни фустани од „секнд хенд“ продавници – поточно, сатенски миди фустани со ефектен изрез, кои ги носеле нејзината 13-годишна ќерка Медисон, сестрата Даниел, внуката Мими и уште шест деверуши.

Фустаните, кои вообичаено се продаваат за околу 33 евра, сега биле на попуст и таа ги платила – само десет евра. Фустаните биле минималистички, но гламурозни по дизајн – од огнено црвени до проѕирни модели со светки, се истакнувале со луксузниот изглед за кој малкумина би ја претпоставиле вистинската цена. Погледнете ги фотографиите ТУКА.

Две венчавки и две венчаници

Кога станува збор за венчаниците на Мел Би, додека во Лондон го кажа судбоносното „да“ во класичен бел фустан, во Маракеш избра сосема поинаков концепт.

Изгледаше прекрасно во црвен фустан без прерамки со монистра и висок шлиц на здолништето, дизајниран од Евели Брајдал и познатиот дизајнер на венчаници Џастин Александар.

 

View this post on Instagram

 

A post shared by “scary spice Mel B” (@officialmelb)