Италијанскиот тенисер Флавио Коболи го освои турнирот АТП 500 во Акапулко, Мексико. Коболи, кој до турнирот беше 20. светски рекет, го победи Американецот Франсес Тијафо, 28. на АТП листата, со 2:0 во сетови во финалето.

Првиот сет заврши по тај-брејк кој го доби Италијанецот со 7:4, вториот сет го доби со 6:4, а мечот траеше два часа и 11 минути.

Во првиот сет немаше брејк. Коболи пропушти шанси да направи брејк на својот ривал во воведниот дел, а потоа во тај-брејкот имаше повеќе сила и концентрација за да поведе во сетови.

Во вториот сет, Италијанецот направи брејк во шестиот гем и водеше со 4:2. Тијафо, сепак, не се предаде и израмни на 4:4, но потоа повторно изгуби сервис и тоа беше крајот на сите дилеми околу победникот.

Од понеделник, Коболи ќе биде 15. играч на АТП листата, што ќе биде неговиот најдобар пласман во кариерата.