КК Работнички не води преговори со потенцијален нов сопственик!
Денеска од кошаркарскиот клуб на Работнички известуваат дека не се водат преговори за менување на сопственичката структура.
По повод објавени информации во јавноста дека се започнати разговори за нов сопственик на клубот, веднаш стигна демант:
– Почитувани, во врска со написите на некои портали дека КК Работнички ја менува сопственичката структура, сакаме да ја информираме спортската јавност дека до моментов КК Работнички нема започнато сериозни преговори со потенцијален нов сопственик на клубот.
Доколку постојат иницијативи и предлози за нов сопственик кој ќе ја подобри состојбата и резултатите на нашиот клуб сериозни ќе ги разгледаме и за се ќе ве информираме – информираат од КК Работнички.
Сезонава КК Работнички го чека дебито во АБА2 лигата, но и натаму нема информации кога официјално би започнало натпреварувањето.