Том Харди отворено проговори за своето минато и борбата со зависноста од дрога и алкохол, откривајќи дека во еден период од животот бил целосно изгубен, пишува „Гардијан“.

Ѕвездата од „Лудиот Макс: патот на бесот“ (Mad Max: Fury Road) признал дека зависноста го довела до точка каде бил подготвен на сè.

„Ќе ја продадев мајка ми за една доза кокаин“, изјавил актерот.

Харди, кој е трезен и чист од 2003 година, рекол дека токму една директна порака му помогнала да сфати колку е опасен патот по кој тргнал.

„Бев срамна приградска статистика. Ми кажаа многу јасно: ‘Ако продолжиш по тој пат, нема да се вратиш. Тоа е сè што треба да знаеш.’ Таа порака остана со мене засекогаш. Проклето сум среќен што сум жив“, изјавил тој.

Актерот, кој стекна светска слава со улоги на сурови и опасни ликови во „Бронсон“ (Bronson) и „Темниот витез: враќањето“ (The Dark Knight Rises), призна дека јавноста често има погрешна слика за него.

„Проблемот со Холивуд е што сакаат да бидеш нешто, а потоа мислат дека навистина си тоа. Јас не сум тепач. Јас сум мал буржоаски тип од Лондон. Луѓето не ме забележуваа додека не почнав да качувам килограми и да глумам агресивци“, рекол Харди.

По успехот со „Лудиот Макс: патот на бесот“ (Mad Max: Fury Road), актерот продолжи со низа големи улоги, меѓу кои и филмовите „Легенда“ (Legend) и „Повратникот“ (The Revenant).

Том Харди проговори за своите здравствени проблеми: „Чувствувам како сè да се распаѓа и дека нема да биде подобро“