Кикбоксерот Стојчевски со два сребрени медали на „Балкан Опен 2021“ во Тешањ

Павле Стојчевски од Делчево освои два сребрени медали во Тешањ, Босна и Херцеговина/Фото: facebook.com/CBS-TESANJ

Македонските кикбоксери се закитија со вкупно седум медали на меѓународниот турнир „Балкан Опен 2021“ кој се одржа во Тешањ, Босна и Херцеговина.

Помеѓу освојувачите на медали беше и Павел Стојчевски од Делчево кој успеа двапати да освои сребро.

Со оглед на тоа што конкуренцијата беше силна, задоволен од ваквиот настап и резултат на Павел е неговиот тренер Љупчо Стојчевски.

– Медалите се одлично достигнување, доколку се има предвид дека на турнирот учествуваа 61 тим со 350 борци од вкупно 11 земји. Како претставник на Кик боксинг клубот АС, Павел настапи во дисциплините поинт-фајт за постари кадети до 52 килограми и лајт-контакт во истата дисциплина, во кoја го освои второто место и сребрениот медал – вели Стојчевски.

Младиот натпреварувач се бореше и во дисциплината поинт-фајт до 57 килограми, натпревар на кој беше во Топ 5 најдобри.

Нашата земја на овој турнир настапи со вкупно седум натпреварувачи од три клубови, а на натпреварувањето покрај тренер, Стојчевски ја имаше и улогата на меѓународен судија.

Видео на денот