В сабота се одржа интернационалниот турнир „Балкан Опен 2021“ во кикбокс во Тешањ (Босна и Херцеговина) кој учествуваа и натпреварувачи од Македонија.

Нашата земја освои седум медали од кои два златни и пет сребрени. Со злато се закити Марко Тодоров пред Босанецот Дајан Ивановиќ, а првопласиран беше и Енсар Исеин пред Босанците Мемија Бенјамин и Фарис Џано.

До сребро дојдоа Викторија Варадинова од кик бокс клубот „Шампион“, и уште еден нивни член, Исмаил Туркер.

Второпласирани во своите категории беа уште Павел Стојчевски (двапати) и Давид Јовчевски.

Севкупно на овој турнир настапија вкупно 11 држави, или околу 400 борци.