Австралиската полиција ги истражува обвинувањата за сексуален напад против Кети Пери од страна на актерката Руби Роуз.

Ѕвездата на „Портокаловото е новото црно“ тврди дека пејачката сексуално ја нападнала во 2010 година, кога биле заедно во ноќен клуб во Мелбурн.

Пери ги негираше овие тврдења, но полицијата започна истрага кратко откако Роуз поднесе пријава, пишува „Дејли мејл“.

– Детективите од тимот за истрага на сексуални прекршоци и злоупотреба на деца во Мелбурн (SOCIT) истражуваат сексуален напад што се случил во Мелбурн во 2010 година. На полицијата ѝ е кажано дека инцидентот се случил во лиценциран објект во центарот на Мелбурн. Бидејќи истрагата е во тек, би било несоодветно да се коментира понатаму во оваа фаза – изјавил портпарол на полицијата на Викторија.

Роуз повторно се обрати на „Тредс“ за да каже дека не може да зборува за инцидентот додека полицијата ги истражува нејзините тврдења.

– Последно ажурирање за ова: од денес попладне, ги завршив сите мои извештаи. Ова значи дека повеќе не можам да коментирам, повторно да споделувам или јавно да зборувам за кој било од овие случаи или за вклучените лица. Ќе изгледа како да игнорирам сè, од пораки за поддршка до искуствата на другите луѓе, но не го правам тоа. Ова е стандардно барање на полицијата и во многу погледи олеснување. Сега можам да го започнам процесот на лекување. И привремено да продолжам понатаму. Ве сакам сите – напиша таа.

ФОТО | Кети Пери испрати порака по обвинувањата на актерката Руби Роуз за сексуален напад