Карлос Алкараз го откажа настапот на „Австралија опен“
Карлос Алкараз, моментно најдобриот тенисер во светот, нема да игра на „Австралија опен“ поради повреда на десната нога.
Препорачано
Шпанскиот тенисер на социјалните мрежи објави дека нема да игра во Мелбурн и ќе го пропушти првиот Грен слем сезонава откако се повреди на тренинг.
– Работев напорно за да бидам на најдоброто ниво за Австралија, но за жал нема да можам да играм на Кујонг, а потоа и на Австралија Опен. Тешко е, но морам да бидам оптимист, да се опоравам и да гледам напред. Се гледаме во 2024 година на Австралија Опен – објави Алкараз.
Неговото повлекување автоматски значи дека улогата на прв носител во Мелбурн ќе ја има бранителот на титулата, Рафаел Надал (Шпанија).
Отвореното првенство на Австралија е на програмата од 16 до 30 јануари 2023 година, а на него по пауза од една година ќе настапи и Новак Ѓоковиќ (Србија).
I’d worked so hard to get to my best level for Australia but unfortunately I won’t be able to play the Care A2+ Kooyong or the Australian Open. It’s tough, but I have to be optimistic, recover and look forward. See you in 2024 @AustralianOpen ❤️
— Carlos Alcaraz (@carlosalcaraz) January 6, 2023
When I was at my best in preseason, I picked up an injury through a chance, unnatural movement in training. This time it’s the semimembranosus muscle in my right leg. pic.twitter.com/nJbIlMtGyK
— Carlos Alcaraz (@carlosalcaraz) January 6, 2023
