Кардиф тврди дека смртта на Сала предизвила испаѓање, па бара отштета од 95 милиони евра
Фудбалската јавност беше шокирана од неверојатното барање на велшкиот клуб Кардиф сити кој бара од француски Нант да му плати 95 милиони евра поради смртта на Емилијано Сала, фудбалер кој требаше да го промени клубот за време на зимскиот преоден рок во 2019 година и се пресели од Франција во Велс.
Да потсетиме, трансферот беше договорен и аргентинскиот фудбалер требаше да отпатува во Кардиф и официјално да стане нов играч на велшкиот клуб. Но, тоа не се случи бидејќи хеликоптерот во кој се наоѓаше Сала, се урна додека патуваше за Велс.
Кардиф верува дека Сала сигурно би му помогнал на тимот и со своите голови и асистенции ќе придонесеше за опстанокот на клубот во Премиер лигата. Поради експресното враќање во Чемпионшип, велшкиот клуб загуби токму толку пари поради ТВ права, рекламирање и спонзорство.
Несреќниот лет на аргентинскиот фудбалер го организирал неговиот агент Вили Мекки во име на Нант, па Кардиф го смета францускиот клуб за одговорен за несреќата.
Пред идејата на Кардиф за отштета од 95 милиони евра, целиот случај беше предаден на Судот за спортска арбитража, кој ќе одлучи дали велшкиот клуб се договорил со Нант за трансфер вреден 15 милиони фунти пред несреќата и дали Францускиот клуб ќе мора да ги плати парите.
Le quotidien anglais « The Sun » avance que Cardiff City a réclamé 95 M€ de dédommagement au FC Nantes dans l'affaire de la mort d'Emiliano Sala. Ce dont le club gallois se défend https://t.co/0rObi1u9NL pic.twitter.com/PiCv6GZDfs
— L'ÉQUIPE (@lequipe) April 26, 2022
Организаторот на трагичниот лет на Емилијано Сала осуден на 18 месеци затвор