Организаторот на трагичниот лет на Емилијано Сала осуден на 18 месеци затвор
Посредникот кој го организираше летот на авионот кој се сруши и во несреќата загина фудбалерот Емилијано Сала е осуден на 18 месеци затворска казна бидејќи ангажирал пилот за кој знаел дека не е квалификфикуван.
По две недели сослушување и седум часа заседавање, поротата на судот во Кардиф го прогласи бизнисменот Дејвид Хендерсон за виновен. На судскиот процес, самиот Хендерсон ја призна вината.
Малиот приватен авион во кој беа фудбалерот Сала и пилотот Дејвид Иботсон се сруши во Ламанш во јануари 2019 година. Телото на 29-годишниот фудбалер беше пронајдено два месеци по несреќата, но телото на 59-годишниот пилот не беше пронајдено. Сала од Франција патуваше во Англија за да потпише договор со Кардиф.
Пилотот Иботсон немал дозвола за комерцијални и ноќни летови, а според обвинителот, Хендерсон го знаел тоа но дејствувал според „сопствени финансиски интереси“.
– Ги игнорирањето на одредени безбедносни барања кога му одговараше на него и на неговите интереси – наведе обвинителот Мартин Гуди.