Како изгледа маската од 212 илјади евра и зошто чини толку? (ФОТО)
Не, таа нема да ве заштити подобро од другите маски…
Луксузната компанија за креирање и производство на накит „Jacob & Co“ ја претстави својата заштитна маска вредна дури 250 илјади долари (212 илјади евра).
Станува збор за маска која нема да ве заштити подобро од другите маски кои се достапни на пазарот, но тука не станува збор за здравјето, туку за престижот – маската е прекриена со мрежа од бело злато која дава илузија дека станува збор за платно, а украсена е со дури 3.040 ситни дијаманти.
Необичниот моден детал може да се пофали со вкупно 73,327 карати.
Маската е тешка неполни 157 грама. Од компанијата истакнуваат дека е предвидено оваа маска да се носи преку стандардната заштитна маска, според која е и моделирана.