ВИДЕО | Џастин Бибер не ја воодушеви публиката на финалето на Мундијалот
Настапот на Џастин Бибер на полувремето од финалниот натпревар на Светското првенство на стадионот „МетЛајф“ во Њу Џерси предизвика лавина од негативни реакции и незадоволство кај гледачите ширум светот. Популарниот музичар се најде меѓу најголемите светски имиња кои беа ангажирани да го претворат ова финале во незаборавен настан, но неговиот избор на песна се покажа како целосен промашај кој воопшто не се вклопи во еуфоричната спортска атмосфера.
Препорачано
За оваа прилика, Бибер изведе специјална, забавена верзија на нумерата „Everything Hallelujah“ од неговиот последен албум „Swag“, што наиде на силен револт на социјалните мрежи.
Justin Bieber performs a special version of “EVERYTHING HALLELUJAH” at the FIFA #WorldCup Final Halftime Show
(via FOX) pic.twitter.com/Y6NXjVnRDX
— Variety (@Variety) July 19, 2026
Корисниците на Твитер и Инстаграм веднаш го оценија неговиот перформанс како вистинско разочарување, па дури и како еден од најлошите настапи на полувреме во историјата на големите спортски настани.
Во морињата од негативни коментари, фановите јавно прашуваа зошто Бибер пее песна што звучи како за погреб среде фудбалски спектакл, додека други отворено се сомневаа во неговото свирење и коментираа дека тој само се преправал дека ја користи гитарата.
why did justin bieber sing a funeral ass song during the halftime? pic.twitter.com/78dcW0dQxB
— appumonn. 🕊️ 🇵🇸 🏴 (@appumon4K) July 19, 2026
За разлика од оваа емотивна и премногу мирна изведба која буквално ја заспа публиката, латино-ѕвездата Шакира, која настапи во истиот блок, со својот енергичен танц и динамичен ритам успеа да ја спаси вечерта и да ја подигне атмосферата на стадионот на завидно ниво.
