Како да ги отстраните сите бактерии и пестициди од јагодите, малините и другото ситно овошје: Ова е единствениот сигурен начин!

Фото: Профимедиа

Ситните плодови не можеме добро да ги истриеме со рацете како јаболките и праските, па токму затоа мора да се послужиме со веќе испробани трикови…

Овошјето кое го купуваме во супермаркетите и на пазарите може да биде полно со бактерии, па токму затоа пред консумирањето погрижете се тоа добро да е измиено…

Најпрвин добро измијте ги вашите раце, со цел да не ги пренесувате бактериите на храната.
Потоа, овошјето измијте го под силен млаз вода. Под млазот вода нежно истријте ги плодовите, а можете да користите нежно сунѓерче или четкичка кои ќе ви бидат наменети искучиво за миење овошје. Имајте на ум дека дури и овошјето и зеленчукот кои се лупат мора добро да се измијат, бидејќи при самото лупење бактериите и пестицидите лесно може да се пренесат на чистиот дел од плодот.

Ситно овошје

Фото: Профимедиа

Јагодите, малините, капините, боровинките… и другото ситно овошје е најтешко да се измие поради мекоста и не е така лесно да се истрие со рацете како што тоа е случај со јаболката.

Алкохолниот оцет е одличен за убивањето на сите штетни микроби на овошјето. Сода бикарбоната поради својот состав е добро средство за извлекувањето на штетните токсини од овошјето, а тоа го потврди и најновата студија од Универзитетот во Масачусетс.

Овошјето најпрвин оставете го во растворен оцет дваесетина минути, потоа исплакнете го убаво и потопете го во растворена сода бикарбона и оставете го да отстои половина час, а потоа исплакнете го добро под млаз ладна вода.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот