Јорданоски: Во оваа криза се покажа колку медиумите се лесни за контрола – Тие се пресудни за демократијата и едно здраво општество

Не може да има слобода на новинарството доколку таа е детерминирана од слободата на самиот медиум

Тоа што можеби сега е светски тренд, а нас не дочекува во Македонија со една релативна неподготвеност, а тоа е каде ќе оди слободата, демократијата после пандемијата. Според мене ќе настанат такви турбулентни времиња што ние ќе мора да се прилагодуваме на нови жанрови, методи, нов пристап во информирањето.

–Еве еден трик пример – откако завладе КОВИД-19 телевизијата се претворија во радија. Она што според мене е важно да почнеме да анализираме, се најавите дека дека сега ќе настане еден хаос, еден конфликт меѓу економскиот либерализам, или либерализмот воопшто, во кое единката е ставена на пиедестал, наспроти колективизмот и евентуално национализмот во затворени целини. Тоа е веќе претпоставува дека прашањето на демократијата која не признава граници и бариери можеби ќе треба да се редифинира и од аспект на новинарство, односно како ќе стигнуваме до информации, како ќе пристапуваме, кои медиуми ќе бидат атрактивни и мислам дека тоа е прашање кое ќе треба да се анализира и да се стави на пиедестал, наспроти оваа фрустрирачка варијанта околу местото на кое што сме во слободата на медиумите. Слободата е толкава колку што можеме да ја приграбиме, изјави новинарот Александар Чомовски во „Утрински брифинг“ на „Слободна ТВ“, по повод Mеѓунарниот ден на слобода на медиумите.

Прочитајте и...  Индија годишно ќе произведува 100 милиони дози од руската вакцина „Спутник V“

Тој го критикуваше односот на центрите на крупен капитал, кои и во исто време се и главни рекламери во медиумите и колку истите би биле доволно еманципирани да издржат критика.

-Јас како новинар не можем да пропуштам и попуштам на егоизмот кој доминира кај големите коорпорации и банките и дека тие се грижат во ова време дека навреме ја пратиле дивидиентата, а тоа е нивна законска обрска, а не некаква општествена одговорност. Ако не бидат доволно флексибилни и еманципирани тие ќе се соочат со своите акционери, вели Чомовски.

Во „Утрински брифинг“ на „Слободна ТВ“ гостуваше и уредникот на Слободен печат, Жарко Јорданоски кој изјави дека денеска медиумот е изложен на многу дилеми и неслободи. Првата е економска неслобода.

Прочитајте и...  Ким Џонг-ун нареди егзекуција на најмалку две лица и го стави Пјонгјанг во карантин

-Во оваа криза се покажа колку медиумите се лесни за контрола. Ние бевме во една технолошка револуција, еден период кога медиумите го изгубија она тло кое што го градеа со генерации и се воситуација да мора себе си повторно да се измислат. Многу ми беше драго што во овие честитики се кажа дека медиумите се јавно добро. Значи не само бизнис, туку и јавно добро, пресудни за демократијата и едно здраво општество.

Не може да има слобода на новинарството доколку таа е детерминирана од слободата на самиот медиум. Уредувачката политика е една невидлива рамка во која што може да се движи еден новинар во својата работа. Колку е медиумот слободен толку е и новинарот. Во старите добри времиња новинарите беа во служба на јавноста. Од таму ги црпеа и своите приходи. Но во период кога дојде до една ситуација, односно пазар на медиуми, ретко кој медиум може да се издржува од својот производ. Сега медиумите не живеат од својата публика како порано. Станаа сопственост и се претворија во јавна „стока“. Така што разни бизнисмени, почнаа да тргуваат со целите медиуми и ги ставаат во сервис на политичките потреби, изјави Јорданоски.

Прочитајте и...  Отворен ден на ЈО за студентите на Правниот факултет во Скопје

Околу клиентелизмот на одредени медиуми, за разликата од потребата да бидат јавно добро, Чомовски смета дека до сега македонското новинарство беше атрофирано, односно тешко се прилагодуваше на некои навестени стандарди кои би можеле да значат дека ја сфаќаме големата гео-стратегија во која главниот продукт на новинарството стана инструментализирана во ракмите на гео-стратегиските игри.

-Тоа во наше време се викаше игри на разузнавачките служби. Тоа денес е на сцена. После Коронавирусот настапува апсолутно нова фаза во која не можам да видам каде ние ќе се најдеме, затоа што сметам дека ќе бидеме во ситуација да „поцркаат“ сите глобалисти. Во услови кога работите ќе ги диктираат две земји, на пазарите нема глобалност, додаде Чомовски.

Поврзани вести

Грција ги одреди максималните цени за ковид тестови: За ПЦР – 40 евра, рапид – 10 евра

Слободен печат

Поликарп ја промовира програмата за градоначалник на Штип: Спортски комплекс, затворен пазар, концертна сала

Слободен печат

Ковид-19 ја притиска Албанија: Нови 645 инфекции и 18 смртни случаи

Слободен печат

Раст за повеќе од 50 отсто од лани: Компанијата „Амазон“ вработила 427.300 луѓе за 10 месеци

Слободен печат

Операција на синуси, па позитивен ковид-19: Одложено и третото рочиште од предметот против Нефи Усеини

Слободен печат

Ахмети со порака на Денот на албанското знаме: Заев ја ризикува политичката кариера со толку директно кажување на нештата

Слободен печат

Остави Коментар

MacedonianAlbanianBulgarian