Голем пожар го зафати селото Совеја во округот Вранча во Романија, каде што околу 300 жители беа евакуирани, а 32 куќи беа целосно уништени, објавуваат медиумите.

Пожарот избувнал во утринските часови, најверојатно поради запален оџак на куќа, а за само неколку часа брзо се  проширил поради силните ветрови, кои носеа искри од куќа до куќа. Мештаните велат дека куќите, претежно дрвени, се запалиле речиси истовремено.

„Искри скокаа од една куќа во друга. Не знаевме што прво да спасиме“, рече една жителка.

На терен биле ангажирани повеќе од 200 пожарникари од шест окрузи, со десетици возила и опрема, а во гаснењето на пожарот вклучени 13 противпожарни возила со вода и пена, седум оперативни камиони, три минибуси за транспорт на персонал, како и две екипи на брза помош.

Поради стресот и загубата на имотот, четворица претрпеле напади на паника, но нема информации за сериозни повреди.

Евакуираните семејства се привремено сместени во селски пансиони и во базата на локалната спасувачка служба. Најранливите жители на селото, вклучувајќи ги старите луѓе и децата, се згрижени кај соседи и роднини.

;

Suntem alături de comunitatea din #Soveja.

32 gospodării au fost afectate de incendiul din Rucăreni. CJ Vrancea este la fața locului cu sprijin de urgență.

Punem Baza Salvamont Soveja la dispoziția familiilor care au rămas fără locuințe.

De astăzi intervenim cu 16 oameni și… pic.twitter.com/TBON889pe1

— Nicușor Halici (@nicusorhalici) April 27, 2026

ВИДЕО: Се запали фабрика за бисквити во Грција, загинаа четворица