Голем пожар избувна рано утрово во фабрика за бисквити во близина на Трикала, во централниот грчки регион Тесалија, загинаа најмалку четворица, а една жена е исчезната, објави „Катимерини“.

Пожарот избувнал околу 4 часот наутро во фабриката „Виоланта“, која се наоѓа на националниот пат Трикала – Кардица.

Фабриката работела во моментот на инцидентот бидејќи функционира со 24-часовни смени. Непосредно пред 4 часот наутро била слушната силна експлозија, во време кога во објектот се наоѓале 13 вработени.

Осуммина работници успеале да излезат од фабриката и биле пренесени во Општата болница во Трикала.

Противпожарните екипи првично ангажирале 22 пожарникари со девет возила. Бидејќи пожарот продолжил да се шири и бил надвор од контрола, по 6 часот наутро интервенцијата била засилена, со вкупно 40 пожарникари и 13 возила.

На терен биле испратени и амбулантни возила, а во гаснењето помагале и тешка механизација и цистерни со вода обезбедени од локалните власти.

Причините за избувнувањето на огнот засега не се познати, а инцидентот сè уште е предмет на истрага.

Семејството на Стивен Ивановски, кој загина во пожарот во Кран-Монтана, бара донации за погребот