Турската актерка Ханде Ерчел, која македонската публика ја засака како Еда од хит серијата „Мириса на љубов“, се најде во средината на афера што го тресе турскиот шоубизнис. По враќањето во Турција, Ханде била приведена на аеродромот во Истанбул, каде што, според локалните медиуми, морала да даде исказ во склоп на големата истрага поврзана со дрога во кои учествувале бројни познати личности.

Ханде Ерчел е вмешана во еден од најголемите скандали во турскиот шоубизнис во последните години. Наоѓајќи се среде обемната акција против наркотици, популарната актерка се соочува со сериозни обвиненија, дури и со притвор, а налогот бил издаден додека таа била во странство.

 

View this post on Instagram

 

A post shared by Hande Erçel (@handemiyy)

Наводно, Ханде Ерчел веќе била сослушана пред надлежните органи, а од неа биле земени примероци од крвта и косата, а резултатите од овие вештачења ќе бидат клучни за понатамошниот тек на постапката.

Нејзиното поранешно момче Хакан Сабангзи исто така е испрашано. И двајцата се соочуваат со сериозни обвиненија поврзани со трговија со нелегални супстанции. Сепак, било разјаснето дека ова е само заради истрагата и собирањето докази. Актерката во тој момент не била во земјата.

Истрагата опфаќа неколку осомничени од светот на бизнисот и забавата, па турските медиуми постојано откриваат нови детали, додека бројни обожаватели на актерката го изразуваат своето неверување и поддршка на социјалните мрежи.

Самата Ханде изјавила дека за налогот дознала од медиумите, дека е на располагање на правосудството и дека верува дека ситуацијата ќе се разјасни во нејзина корист.

„Еден месец сум во странство. За сè што се случи дознав од медиумите. Ќе се вратам во земјата и ќе ги дадам сите потребни изјави, подготвена сум да соработувам со правосудните органи во кои имам безрезервна доверба“, напишала таа во објава на социјалните мрежи, обидувајќи се да им го разјасни проблемот на загрижените обожаватели.

 

View this post on Instagram

 

A post shared by Hande Erçel (@handemiyy)

Сето ова доаѓа во време кога таа е сè уште една од најбараните и најплатените актерки од помладата генерација, а ликот на Еда од серијата „Мириса на љубов“ сè уште ѝ носи армија обожаватели низ целиот свет, па затоа не е изненадувачки што секој нов детаљ од оваа приказна се следи под лупа.

Од крајот на 2025 година, Турција спроведува голема операција против трговијата со дрога. Неколку рации и претреси беа спроведени во неколку региони на земјата, но епицентарот беше Истанбул. Акцијата резултираше со апсење не само на учесници во криминални шеми, туку и на неколку ѕвезди од шоу-бизнисот. По шокот предизвикан од апсењето на турскиот актер Џан Јаман во јануари, следеа повеќе инциденти што ја шокираа јавноста, а меѓу осомничените неодамна се најде и Ханде Ерчел.

ФОТО | Четири турски заводници кои имаат балканско потекло, едниот актер влече корени од Македонија