Истакнатиот руски научник Александар Саша Кагански (45), кој работел на вакцината против коронавирусот, бил пронајден мртов со убодна рана кога паднал од прозорецот на една зграда во Санкт Петербург, пренесуваат руските медиуми.

Biologist Alexander Kagansky who was said to have worked on a coronavirus vaccine was found dead outside a St. Petersburg high-rise https://t.co/SB0HJQAuQw

— The Moscow Times (@MoscowTimes) December 21, 2020

Тој  паднал од својот стан во Санкт Петерзбур од 14 кат. Бил облечен само во долна облека. Полицијата верува дека се работи за убиство, а не за несреќен случај.

Неговото тело го пронашол сосед на улица, а полицијата верува дека дошло до  тепачка пред Кагански да падне од зградата.

Истрагата е во тек, а руската полиција објави дека ја истражува смртта на научникот како можно убиство. Полицијата уапси осомничен 45-годишен маж и тој е однесен на распит.

Кагански бил асистент на професор во Владивосток, а 13 години работел во Единбург, во Шкотска.

Неодамна бил на позицијата директор на Центарот за геномска и регенеративна медицина на Далекоисточниот Федералниот универзитет во Русија и работел на лек против ракот.

Се додава дека Кагански работел и на развој на вакцината против коронавирусот. Сепак, не е познато на која од многуте вакцини против ковид-19 работел научникот.