Денеска во првото коло од новата сезона во Првата македонска лига, фудбалерите на Силекс на домашен терен убедливо со 6:0 го совладаа Башкими.

На теренот во Кратово во текот на натпреварот видовме по три голови во двете полувремиња.

Гол серијата ја почна Дарко Илиески во третата минута, а предноста на домашниот тим се зголеми по автоголот на Габриел Тенлеп во осмата минута.

Во листата на стрелците се запиша и Мирза Делимеѓац за веќе високо водство од 3:0 по 29 минути игра во мечот.

Погодоците во гостинската мрежа продолжија во вториот дел, за 4:0 се погрижи Нихад Шеро во 61 минута, а Есмир Хасукиќ стрелаше за 5:0 во 75 минута од средбата.

Веќе во следниот напад на Силекс, Никола Манојлов постигна гол за поставување на конечниот епилог (76`).

Во следното коло Силекс на 8 август ќе гостува кај Шкендија Арачиново, додека Башкими истиот ден ќе го пречека Тиквеш.