Руската манекенка Ирина Шајк отворено проговори за тоа како таа и нејзиниот поранешен партнер Бредли Купер ја воспитуваат нивната осумгодишна ќерка, Леа Де Сен, пишува „Пипл“.

Имено, моделот нагласи дека нивен приоритет е да го заштитат детето од негативните влијанија на интернетот и светот на славните личности.

Шајк објасни дека нивната ќерка „јасно разбира“ што прават нејзините родители, но тие сакаат Леа да се чувствува безбедно и удобно. За да го постигне ова, Леа има многу ограничен пристап до интернет, речиси никаков. Нивниот фокус е на тоа нејзиното дете да развива пријателства, заедница и да учи да дава љубов.

„Ова е најдоброто нешто што можете да му го дадете на вашето дете, одгледувајќи го во семејство полно со љубов“, вели 39-годишната Шајк.

Моделот додаде дека е важно Леа да научи да се сака себеси и да развие самодоверба во свет полн со стандарди за убавина. Ирина и Бредли одржуваат пријателски однос дури и по разделбата во 2019 година и заеднички се вклучени во воспитувањето на нивната ќерка, честопати патувајќи и славејќи празници заедно.

Купер претходно изјави дека се надева дека Леа ќе учи од грешките на својот татко и нема да ја оптоварува со неговите проблеми, што дополнително ја потврдува неговата посветеност на заедничкото родителство.