Иранската морнарица соопшти дека запленила два товарни брода во Ормускиот Теснец и ги одвела кон иранскиот брег, по извештаите дека три пловила биле под оган од иранските сили, пренесе „Би-би-си“.

Според иранските медиуми, иранската војска отворила оган врз првиот брод „Епаминондас“, откако „ги игнорирал предупредувањата на иранските вооружени сили“. Вториот брод, „Еуфорија“, потоа бил запрен откако „бил под оган“, а таргетиран бил и трет брод – „МСК Франческа“. Иранските медиуми наведуваат дека зад нападите стои Револуционерната гарда.

Поморската команда на ИРГЦ соопшти дека двата запленети брода – „Епаминондас“ и „МСК Франческа“ – „ја загрозиле поморската безбедност“ со пловење без дозволи и со манипулирање со навигациските системи. „Нарушувањето на редот и безбедноста во Ормускиот Теснец е наша црвена линија“, се наведува.

Бродовите ќе бидат проверени, се вели во медиумите, вклучително и нивниот товар и документација.

Иранските сили отвориле оган врз трговски брод во близина на Ормускиот Теснец

Неколку часа по продолжувањето на примирјето со Иран, кое претседателот Доналд Трамп го одобри на барање на Пакистан како посредник, во Ормускиот Теснец беа нападнати три трговски брода.

Американската поморска блокада останува на сила, а Трамп тврди дека Иран економски се урива под притисок.

Техеран го отфрли продолжувањето на примирјето како тактика за одложување, а иранскиот советник повика на воен одговор.

Конфликтот избувна на 28 февруари по американско-израелските напади врз Иран, а условниот прекин на огнот од 8 април беше врзан за отворањето на Ормускиот Теснец.

Без мировен договор, Техеран сè уште не одлучил дали ќе влезе во нова рунда преговори.

Дипломатите и војската се влечат со јаже во Иран