Идеја за вкусен ручек: Рецепт за полнети домати со моцарела
Доматите и моцарелата се „темелот“ на италијанската кујна и една од комбинациите со кои никогаш не можете да погрешите. Сурови или печени – нивниот вкус е, едноставно, фантастичен, пишува „Пун куфер“.
Тие се дел од голем број рецепти за салати, пици, брускети, тестенини… Па, секогаш е вистинско задоволство кога ќе се најде нов рецепт со овие состојки, како што е овој за полнети домати со моцарела.
Состојки:
- 6 домати
- 1/2 кромид (сечкан)
- 1 чаша печурки
- 1 чешне лук
- 1 чаша тестенини од јачмен
- 450 милилитри пилешки супа
- 1/4 чаша пармезан
- 200 грама моцарела
- маслиново масло
- сол и црн бибер
Подготовка:
Загрејте ја рерната на 180 степени целзиусови.
Измијте ги и исушете ги доматите, а потоа исечете ги врвовите кои ќе ви послужат како капак. Внимателно издлабете ги доматите, додадете сол и свртете ги наопаку да се исцедат.
На маслиново масло продинстајте го кромидот, а потоа додадете ги исечканите печурки и лукот и продолжете со пржењето. Додадете ги тестенините од јачмен во тавата со печурките и прелијте ги со пилешката супа неколку пати додека не се сварат тестенините. На крајот додадете го пармезанот да се растопи.
Наполнете ги доматите со добиената смеса и додадете парчиња моцарела. Одгоре ставете ги капачињата од домати и печете околу половина час.
На здравје!
