И Трајковски во Серија А, алтернатива за Иличиќ - Слободен печат
СпортФудбал

И Трајковски во Серија А, алтернатива за Иличиќ

Македонскиот репрезентативец Трајковски заедно со Несторовски овој период се почесто се поврзуваат со трансфери во италијанската фудбалска елита.

После казната која ја доби Палермо од италијанската федерација, тоа воедно значеше и повторно активирање на понудите од калчолигашите за нашите двајца интернационалци Трајковски и Несторовски.

Голема е веројатноста од наредната сезона напаѓачите да имаат нови клупски обврски, Несторовски кој во меѓувреме бара правда за Палермо, еден од најдобрите стрелци на клубот, го преселуваат во Парма, Аталанта, Фиорентина, Џенова на Горан Пандев…

И Александар Трајковски би можел многу лесно да заврши во Серија А, односно екипата на Аталанта ја „скенира“ неговата ситуација и го гледаат нашиот играч како алтернатива, замена за Словенецот Јосип Иличиќ.

За Иличиќ, пак, се шпекулира дека би можел да ја продолжи својата кариера во редовите на Наполи. Сезонава во шампионатот на Серија Б Трајковски за Палермо во 34 мечеви реализираше досега осум голови.

Пред да се пресели на Апенините, нашиот фудбалер ги бранеше уште боите на белгиските Зулте Варегем и Мехелен, и хрватскиот Интер Запрешиќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close