Министерката за образование и наука, Весна Јаневска, денеска изјави дека имало тренд на враќање на иселениците од Македонија назад во земјава, а тоа било резултат на „новите политики на Владата“.

За разлика од премиерот Христијан Мицкоски, кој деновиве е под наплив на „чувства“ со кои ја прорекнува иднината, Јаневска сепак рече дека нејзината изјава за враќањето на иселениците се засновала на „првите статистички податоци“, за кои не откри ништо повеќе од тоа дека „бројките сè уште не се масовни“, но и покрај тоа заклучи дека трендот постои и дека тој бил „директна потврда дека владините политики за задржување на младите даваат резултат“.

Одговарајќи на прашање за намалувањето на бројот на основци, Јаневска не пропушти да нагласи колку сегашната власт повеќе се ангажира на оваа проблематика и повеќе презема конкретни мерки во споредба со минатата власт.

Таа додаде дека процесот на промена е долготраен, но и дека Владата е фокусирана на создавање услови преку нови инвестиции во образованието и законски измени во високото образование за младите да ја гледаат својата иднина дома.

Савески најави крај за „фиока-системот“: Сите предмети се важни, со нив се решаваат човечки судбини