Хуан Мартин дел Потро изјави дека би можел да направи сензационален камбек во тенисот на САД опен (28 август – 10 септември), како поранешен шампион.

– Сѐ уште имам време, ќе почнам да тренирам, да видиме како ќе реагираат мојата нога и колено и дали можам да го направам тоа или не – изјави Аргентинецот, а пренесува Еуроспорт.

Тој во интервјуто со јужноамериканскиот репортер Дени Мише ги воодушеви своите многубројни фанови само со сугестијата дека се надева оти ќе започне изненадувачки камбек.

Дел Потро, кој го освои САД опен во 2009 година, многу сака да се врати, откако минатата година мораше да се повлече од тенисот по постојаните повреди на зглобот на раката и на коленото.

Дел Потро (34) не се појавил на терените од февруари 2022 година кога играше пред своите навивачи во Буенос Аирес. Во тоа време, тој рече дека дури и тренинзите му премногу болни, но јасно стави до знаење дека не изгубил ништо од својата страст за тој спорт.

– Го сакам тенисот, никогаш нема да биде проблем да земам рекет и да видам како се чувствувам. Секој ден работам на тоа да се вратам во форма. Ќе го оставам тој прозорец отворен, барем до САД опен, како што реков. Тоа е специјалниот турнир за мене. Имам уште време. Ќе почнам да тренирам, да видиме како ќе реагираат мојата нога и колено и дали можам или не – му изјавил Делпо на Мише.

Дел Потро неодамна изјави дека Новак Ѓоковиќ, Роџер Федерер и Рафаел Надал му го негирале „сонот“ да стане светски број 1, бидејќи тој никогаш не стигна повисоко од број три на АТП листата.