Холивудскиот заводник сака само една жена 19 години: Кога таа ќе ме погледне ми се затресуваат колената
Актерот по кој многу жени дури и денес воздивнуваат е во среќен брак веќе 19 години со новинарката Кили Шај Смит, а својата љубов кон неа често сака да ја искажува и на социјалните мрежи.
Секој роденден, годишнина и слични моменти Пирс Броснан и ги честита на својата сопруга со фотка од младоста со романтичен опис.
Сепак, многумина коментираа дека тој воопшто не објавува нови фотографии од неа и дека причината за тоа е тоа што Кили во последните неколку години се здебелила повеќе од десет килограми. Нормално, Пирс веднаш објави моментална фотографија од својата сопруга и ѝ го честиташе роденденот, па на тој начин ги замолчи хејтерите кои пишуваа дека се срами од неа.
Во една прилика тој откри како и после 19 години тој е лудо заљубен во Кили:
– Ја сакам нејзината виталност, нејзината страст. Кога Кили ќе ме погледне, секогаш ми се одземаат нозете, а чувствувам и како ми се затресуваат колената.
Инаку, Кили го спаси Пирс Броснан од депресија откако на актерот му починаа жената и ќерката, а со неа доби и два сина, Парис и Дилан Томас.