Поранешната државна секретарка на САД, Хилари Клинтон, вчера остро го критикуваше ставот на администрацијата на Трамп кон Украина, нарекувајќи го „срамен“, пренесува Украинска Правда.

„Мислам дека обидот да се принуди Украина на договор со (рускиот претседател Владимир) Путин за предавање е срамен. Верувам дека Украина е на првите линии борејќи се за нашата демократија и нашите вредности на слобода и цивилизација, губејќи илјадници луѓе додека нивната земја е уништена поради манијата на еден човек да ги контролира“, рече Клинтон за време на панел-дискусијата на безбедносната конференција во Минхен.

Таа додаде дека американскиот претседател Доналд Трамп „или не разбира или не се грижи за тоа страдање“.