Поранешните политички и воени лидери на ОВК, Хашим Тачи, Кадри Весели, Јакуп Красниќи и Реџеп Селими кои се во притворот на Специјалниот суд во Хаг вечерва ќе можат да се соберат и заедно да ја дочекаат Новата година.

– Заради приватноста, не можеме да ги коментираме активностите на притворените лица во установата за притвор. Единицата за управување со притвор на специјализираните комори ги обезбедува затворениците во безбедна и тивка околина. Уапсените сигурно ќе добијат можност да ја дочекаат Новата година во согласност со правилата и прописите на претходниот притвор – изјави службеникот за информации на Специјалниот суд, Ангела Гријеп.

Освен Нова година, косовските затвореници имаат уште една причина за прослава. Поранешниот портпарол на ОВК и поранешен претседател на косовското собрание, Јакуп Красниќи на 1 јануари ќе наполни 70 години.

Специјален суд за Косово во Хаг: Тачи и уште тројца членови на ОВК треба да останат во притвор