Хари Кејн е фаворит за освојување на европската „Златна копачка“
Лигата на шампионите на УЕФА е единственото преостанато фудбалско клупско натпреварување во кое Хари Кејн може да се надева дека сезона ќе освои трофеј со Баерн Минхен оваа сезона, но неговата прва година во Бундеслигата најверојатно нема да помине без трофеј бидејќи е блиску до освојување на „Златната копачка“ на Европа.
Англискиот напаѓач постигна 35 гола во 31 натпревар во германскиот шампионат (со 10 асистенции) и со вкупно 70 поени (еден гол вреди два бода) води во трката за европската „Златна копачка“.
На ова листа второпласиран е Килијан Мбапе, играчот на ПСЖ кој има 26 гола на своето конто, а до крајот на француската „Лига 1“ има само еден меч повеќе од Англичанецот. Со оглед на тоа дека и Баерн и ПСЖ ги очекуваат полуфиналните дуели со Реал или Борусија Дортмунд, двајцата веројатно не ни размислуваат за трофејот за најдобар стрелец во Европа.
Harry Kane is edging closer to his first ever European Golden Boot ⚽️👟 pic.twitter.com/juIH2eisGN
— OneFootball (@OneFootball) April 29, 2024
Серу Гираси, напаѓачот на Штутгарт, Луи Опенда, фудбалерот на РБ Лајпциг, Лаутаро Мартинез (Интер) и Ерлинг Халанд (Манчестер сити) ќе имаат мотив да се обидат да му се заканат на Мбапе за втората позиција. Ништо не е недостижно во последните три-четири кола, но тешко дека некој ќе може да му го „украде“ трофејот на Кејн сезонава. Потсетување дека Кејн три пати беше најдобар стрелец во Премиер лигата во дресот на Тотенхем, моментно е и водечки во Бундес лигата со 10 гола повеќе од второпласираниот Гираси.
Топ 10
1. Хари Кејн (Баерн) 70 поени (35 голови)
2. Килијан Мбапе (ПСЖ) 52 (26)
3. Серу Гираси (Штутгарт) 50 (25)
4. Луи Опенда (РБ Лајпциг) 48 (24)
5. Лаутаро Мартинез (Интер) 46 (23)
6. Ерлинг Халанд (Манчестер Сити) 42 (21)
7. Лук Де Јонг (ПСВ) 40,5 (27)
8. Вангелис Павлидис (АЗ) 40,5 (27)
9. Кол Палмер (Челси) 40 (20)
10.Виктор Ѓекереш (Спортинг) 39 (26)