Грција: Шест мигранти починаа од СТУД во близина на границата со Турција
Вкупно шест мигранти починале од студ во последните неколку денови на североисток во Грција, во близина на нејзината копнена граница со Турција, информираaт денеска локалните власти.
Според овие информации, жртви биле четворица мажи и две жени, а познато е и дека сите биле помлади од 30 години.
Нивниот идентитет и националност не се познати, иако делувало дека двете жени се од Африка, пренесува Агенцијата АП.
Телата на петте мигранти биле откриени за време на викендот, а шестото тело на петти декември, јавуваат грчките медиуми.
Телата на двете жени биле најдени во близина на реката Марис (на грчкиот остров Евос), која тече долж поголемиот дел на копнената граница меѓу Грција и Турција.