Аргентинецот Давид Налбандијан се пензионира пред шест години и сега работи како стручен аналитичар за неколку јужноамерикански и шпански медиуми. Тој пред стартот на Ролан Гарос ги анализираше тројцата најдобри тенисери на денешницата, Новаќ Ѓоковиќ, Рафаел Надал и Роже Федерер.

– Новак е комплетен тенисер. Сервира многу подобро отколку што луѓето мислат, а се движи на неверојатен начин. Кога му оди добро нема падови во играта, нема ниту една слаба точка и не знаеш како да играш против него. Нема никакви слабости во играта и според мене тој е најкомплетен тенисер во историјата. За неговите квалитети зборува опдатокот дека има подобар меѓусебен скор со Федерер и Надал – вели Налбандијан.

Поранешниот трет тениски рекет, ја открива една од најголемите слабости во играта на Надал.
– Надал е поинаков играч кога игра на подолги поени, а сосема друг е кога се кратки поените. Играчите со одличен дворачен бекенд можат да се носат со неговото најсилно оружје, форхендот – открива Налбандијан.

Тој исто така објасни зашто Роже Федерер стана еден од најдоминантните тенисери во историјата.
– Мислам дека Роже еволуираше кога бекендот му стана константен. Беше одличен тенисер кога беше 5,6 на АТП ранг листата но се мачеше со бекендот. Во 2003 година на турнирот во Хјустон, приметив дека го стилот на бекенд ударот. Потоа до крајот на годината загуби на само два меча – рече Налбандијан.