Популарниот холивудски актер Хју Грант во 1995 година направи погрешен потег кој сега го следи низ целата кариера.

Во тоа време тој беше во врска со Елизабет Харли по која мечтаеше секој маж, па така сите беа во шок кога полицијата го приведе поради грешката која веројатно ниту денес не си ја простил.

Имено, актерот бил фатен од полицијата за време на секс во автомобил со проститутката Дивајн Браун која од тоа и тоа како профитираше, бидејќи својата приказна ја прераскажуваше за магазините ширум светот.

Актерот кој беше уапсен доби казна за недолично однесување во јавност и помина две години со условна казна, а како шлаг на торта, мораше да посетува и едукативна програма за AIDS.

По скандалот актерот гостуваше во бројни ток-шоуа во кои јасно изјавуваше дека направил многу глупава грешка.

– Едноставно, бев идиот. Никогаш не се ни обидов да кажам дека имам психолошки проблем. Само кажав – Да, го сторив тоа, виновен сум, изјваи тогаш актерот.