ЃОКОВИЌ ПОТВРДИ: Ќе игра на грен слем турнирот „Австралија опен“
Најдобриот светски тенисер Новак Ѓоковиќ ќе настапи на „Австралија опен“, објави тој на социјалните мрежи. Србинот доби дозвола од австралиските власти со медицински исклучок од независната комисија и ќе учествува на првиот Грен слем во сезоната.
Заврши сагата околу настапот на најдобриот играч на планетата во Мелбурн (17-31 јануари 2022 година), која траеше веќе подолг период.
Ѓоковиќ ги израдува сите фанови со одличен подарок за празниците и рече дека е на пат за Австралија.
– Среќна Нова Година на сите! Ви посакувам многу здравје, љубов, радост и среќа. Да гледате, дишете и размислувате љубов и да негувате почит кон секој човек и живо суштество на оваа прекрасна планета. Уживав што бев со моето семејство и драги луѓе, се одморив од многу долга и успешна сезона 2021. Сега се селам во Австралија бидејќи добив медицинска потврда за ослободување и подготвен сум да живеам и да дишам тенис во следните неколку недели натпреварување. Ви благодарам на сите за поддршката – напиша Ѓоковиќ на Инстаграм.
Ноле е рекордер со девет освоени титули во „Род Лејвер Арената“, а веќе е познато дека го брка 21. Грен слем во кариерата со што би бил најтрофеен во историјата.
View this post on Instagram