Полскиот голгетер Роберт Левандовски ја завршува својата етапа во Барселона и кариерата ќе ја продолжи во американската МЛС-лига, каде што ќе го носи дресот на Чикаго фајр.

Според информациите на познатиот трансфер-експерт Фабрицио Романо, договорот меѓу двете страни бил постигнат уште пред една седмица, а сите документи веќе се потпишани. Официјалната промоција на искусниот напаѓач се очекува во наредниот период.

Со ова Левандовски отвора ново поглавје во својата богата кариера, откако четири сезони настапуваше за Барселона. Претходно остави длабока трага во Баерн Минхен, Борусија Дортмунд и Лех Познањ, како и во уште неколку клубови на почетокот од својата професионална кариера.