Ѓоковиќ доминираше против Сафиулин за осминафинале во Монте Карло
Враќање на терените и на победничките патеки, Новак Ѓоковиќ успешно ја помина првата пречка откако во второто коло на Мастерсот во Монте Карло го совлада Русинот Роман Сафиулин со 6:1, 6:2.
Српскиот тенисер беше слободен во првото коло, а денеска се чинеше дека преку мрежата е спаринг партнер, а не 41 тенисер на планетата. Во првиот сет Ѓоковиќ експресно поведе со 4:1, по што најдобриот во светот мирно го приведе првиот дел до крајот и дојде до почетната предност во сетови.
Русинот одигра нешто подобро во вториот сет, но веќе во четвртиот гем успеа да направи брејк, кој Ѓоковиќ тешко го потврди и повторно поведе со 4:1, а потоа ја запиша првата победа по речиси еден месец.
Во третото коло Ѓоковиќ ќе се сретне со подобриот од дуелот Артур Филс – Лоренцо Музети кој е закажан за подоцна вечерва.
За потсетување, српскиот тенисер за првпат стапна на теренот по раната елиминација од Индијан Велс, а ова воедно му е прв дуел откако ја прекина соработката со Горан Иванишевиќ, а во Монте Карло друштво му прави Ненад Зимоњиќ.