Фудбалерот на Левски Димитров по мечот во Скопје: Видовте како се игра на оваа „нива со компири“
Шкупи претрпе пораз од 0:2 против Левски Софија во првиот натпревар од второто квалификациско коло во Конференциската лига.
Уште пред стартот на овој меч на Националната арена „Тодор Проески“ во Скопје Бугарите се жалеа на лошиот терен.
По завршувањето на мечот тоа го потврди и еден од фудбалерите на Левски Софија, Кристиан Димитров:
– Видовте на оваа нива со компири како се игра. Не знам како можеме да одиграме таков натпревар на таков терен. Не размислувате толку многу во такви ситуации, туку само реагирате. И самите видовте на овој терен со компири како може да се играат натпревари од европските клупски натпреварувања. Специјалисти ќе коментираат за класата на двата тима. Имаме добро водство и се надевам дека ќе победиме и на реваншот – рече централниот дефанзивец на Левски Софија за бугарските медиуми.
Реваншот помеѓу Левски и Шкупи ќе се игра на 3 август.
