Жулија Симон од Франција го освои првото место во биатлонот, во трката од 15 километри што се одржа во рамките на Зимските олимписки игри во Милано и Кортина.

Симон имаше само едно промашување со пушката, а на крајот славеше со време од 41:15,6 минути. Таа ја надмина својата репрезентативна колешка Лу Жанмон за 53,1 секунда.

Така, стигна до своето второ злато за четири дена, откако ја водеше Франција до победа во мешаната штафета 4×6 километри.

Бугарката Лора Христова која заврши како третопласираната, ѝ го донесе на Бугарија првиот медал во Италија. Таа заостануваше 1:04,5 минути зад победничката.

Следната трка во биатлон на Зимските олимписки игри е во петок, за кога е закажан спринтот од 7,5 километри.