Македонскиот уметник и дизајнер Сатја Грабулоски, познат по својот бренд „Свитхадот“ и изработка на уникатни и оригинални патики, повторно го привлече вниманието на светот – овојпат со креација специјално изработена за светски познатиот диџеј Стив Аоки.

Во дизајнот на патиките, кои Аоки ги прошета на Формула 1 во Лас Вегас главниот мотив се пози од главните ликови од аниме-приказната „Хироквест“ (Hiroquest: Gensis & Double Helix) создадена од Стив Аоки и Џим Кругер.

„Прва прошетка по патеката на Формула 1 со единствената легенда од Лас Вегас – Стив Аоки… Гласно, електрично и полно со енергија, исто како Стив!“, се вели во објавата на инстаграм-профилот на македонскиот дизајнер.

Како што открива Сатја ова е петти пар уникатни патики изработени за познатиот диџеј, а дизајнот на овие патики не е достапен за репродукција.

Уникатните, рачно изработени дизајни на Грабулоски ги носат најголемите имиња од спортот, музиката и шоу-бизнисот – од Новак Ѓоковиќ, Кристијано Роналдо и Леброн Џејмс, до Дуа Липа и Снуп Дог.

 

View this post on Instagram

 

A post shared by Swithadot StudioS. (@swithadot)

Интервју со Сатја Грабулоски, уметник и дизајнер: 400 светски ѕвезди ја носат мојата уметност, но никогаш не заборавам од каде почнав