Американската поп-ѕвезда Тејлор Свифт е забележана како го носи својот венчален прстен за првпат една недела откако се омажи за ѕвездата на НФЛ, Тревис Келси.

Нивното прво јавно појавување заедно како брачен пар се случи на свадбата на поранешен соиграч на Келси, ЏуЏу Смит-Шустер, и неговата избраничка Лаура Крук. Церемонијата се одржа во петокот во хотелот „Риц-Карлтон Лагуна Нигуел“ во округот Оринџ, Калифорнија.

На фотографиите што се појавија на социјалните мрежи и во американските медиуми, Свифт носи елегантен розов балски фустан без прерамки со цветен дезен, додека прстенот на левата рака привлекува посебно внимание.

Додека се дружеше со други познати гости, пејачката го покажа новиот накит во опуштена атмосфера, што дополнително го поттикна интересот на јавноста за нејзиниот приватен живот. Тревис Келси беше облечен во класично темно одело, а двојката изгледаше весело и насмеано во текот на целата прослава.

 

View this post on Instagram

 

A post shared by curators of pop culture (@deuxmoi)

Нивната врска привлекува големо внимание од 2023 година, кога за првпат беа видени заедно во јавноста. Оттогаш, тие често се поддржуваат еден со друг на концерти и спортски настани, а нивната врска стана една од најгледаните љубовни приказни во светот на славните личности.

ВИДЕО | Од отпушоци до тест за овулација — уметник собирал ѓубре од свадбата на Тејлор Свифт, па го продавал