16 патници се повредени, а една жена им подлегна на повредите во тешка сообраќајна несреќа во црногорското село Липци, на патот меѓу Котор и Никшиќ. Според полицијата, првичните информации укажуваат на замор и поспаност на возачот, пренесoa регионалните медиуми.

„Денес, во Липци, на главниот пат Липци – Грахово, во 13:10 часот, се случила сообраќајна несреќа во која учествувало едно возило. Сообраќајната несреќа се случила кога минибус, кој се движел од насока на Никшиќ, допрел до камена падина што се наоѓа покрај патот, од десната страна на патот, што предизвикало превртување на возилото“, соопшти полицијата.

Како што додаваат, во несреќата се повредени 16 патници, кои се пренесени во болницата „Васо Ќуковиќ“ во Рисан за медицинска помош. Загинала една патничка, повозрасна жена.

Минибусот го возел Љ.М. (68) од Котор, од кого полициските службеници ќе земат изјава за околностите на сообраќајната несреќа.

На местото излегол државниот обвинител во Основното државно обвинителство во Котор, кој извршил увид.

„Се преземаат полициски и обвинителски активности за утврдување на сите факти за овој инцидент. Причината за сообраќајната несреќа се истражува, а прелиминарните податоци укажуваат дека возачот бил уморен и поспан“, велат од полицијата.

Млада фудбалерка на ПАОК загина во тешка несреќа во Грција — камион за ѓубре удрил во нејзиниот мотор