Култната танчерка и позната актерка, Лајза Минели, која пред речиси пет децении го освои Оскарот за најдобра женска улога во филмот „Кабаре“, ја додели наградата за најдобар филм во неделата вечерта.

Минели која има 76 години, низ многу смеа и ведар дух, се појави на сцената во придружба на уште една поп ѕвезда, Лејди Гага. Бидејќи Лајза има здравствени проблеми, беше во количка, и имаше проблем да го објави победникот, па Гага беше покрај неа како вистинска поддршка.

„Ох колку е возбудливо“ – извика Минели кога двете жени излегоа на сцената и беа почестени со огромен аплауз.

Лејди Гага со најголема љубов искоментира „Видете, публиката ве сака“.

Минели се насмеа додека Гага ја нарече легенда и ѝ кажа дека нејзината изведба во „Кабаре“ од 1972 година и е една од најомилените. Потоа се фатија за работа да го објават победникот. Публиката беше трогната, а меѓу присутните лица имаше и такви што се насолзија од оваа спојка на сцената.

Во прилог и видеото:

ФОТО | Kабаре кралицата Лајза Минели се соочува со тешка здравствена состојба: Не ми е ништо!