И покрај бројните работни обврски и музички ангажмани, нашата млада пејачка Мина Блажев успеа да дипломира на еден македонски приватен колеџ. Горда на своето ново животно достигнување, Мина сподели фотографија и видео на својот Инстаграм, со што го одбележа овој важен и емотивен момент.

Инаку, Мина е позната по учеството на Детската Евровизија 2017 во Тбилиси, Грузија. Таа уште како тинејџерка ја освои бисерната награда на меѓународниот музички фестивал „Езерски бисери“ и беше дел од популарното регионално шоу „Пинкови ѕвездички“. Во својата кариера досега има освоено седум први, три втори и една трета награда на државни и меѓународни натпревари, има издадено и свои песни кои бројат илјадници прегледи.

Со дипломирањето, Мина уште еднаш покажа дека со труд, посветеност и љубов кон она што го правиш сè е можно.

Честитки за овој успех!