ФОТО | Заборавете на Борат! Саша Барон Коен се пофали со мускулестото тело за улогата во серија на Марвел
Можеби едно од најголемите изненадувања во кинематографијата во 2025 година е доаѓањето на Саша Барон Коен во светот на Марвел. Познатиот актер, најпознат по улогата на Борат, се појави во серијата „Железно срце“ како супернегативецот Мефисто. Заедно со новата улога, тој се пофали и со неверојатна физичка трансформација што ги воодушеви неговите обожаватели.
Препорачано
На инстаграм-профилот на списанието „Men’s Fitness“ беа објавени фотографии кои брзо се проширија на социјалните мрежи. Според насловната страница на списанието, Коен се здобил со завидна форма вежбајќи само 25 минути на ден, а резултатите се зачудувачки.
View this post on Instagram
На објавите реагираа и многу познати личности. Актерката Челси Хендлер хумористично коментираше: „Дали е ова вештачка интелигенција?“, додека Гал Гадот, ѕвездата на филмот „Чудесната Жена“, остави огнен емотикон. Обожавателите исто така беа изненадени и забавувани: „Жал ми е, но не можев да замислам дека Борат некогаш ќе изгледа вака“, напиша еден корисник. Друг додаде: „Има 53 години. Изгледа неверојатно.“
Откако се појавија сомневања дека фотографиите биле дигитално манипулирани, тренерот на Коен, Алфонсо Морети, се огласи. Тој јасно ги отфрли сите сомнежи: „Работев со Саша. За сите оние кои мислат дека ова е вештачка интелигенција, во право сте. Вештачката интелигенција е апсолутно исклучителна! Бесмислено е да се каже дека фотографиите се лажни. Имам снимки и видеа. Саша заслужува секоја пофалба за оваа трансформација.“
Морети, исто така, откри дека Коен првично имал тело „право како линијар“, но резултатите биле толку добри што тимот за костими на Марвел морал неколку пати да го прилагоди неговиот костум.
Физичката трансформација на Коен доаѓа во време на големи промени во неговиот личен живот. Во април оваа година, тој и актерката Исла Фишер објавија развод по 13 години брак, што наведе многумина да коментираат дека станува збор за класична „трансформација по разводот“.
Покрај тоа, актерот претходно се најде во центарот на вниманието поради обвинувањата од актерката Ребел Вилсон, која тврдеше дека ја принудил да прави голи сцени за време на снимањето на филмот.
