ФОТО: Вардар е тим за големи работи, падна и европскиот вицешампион
Ракометарите на Вардар ја забележаа втората победа во Лигата на шампионите, и тоа против досега најтешкиот предизвик. Вардарци во СЦ Јане Сандански со 30:28 го совладаа европскиот вицешампион Алборг, а со прикажаната игра покажаа дека се подготвени и за поголеми нешта.
Вардар првото водство на натпреварот го имаше во пестата поминута кога Тимур Дибиров погоди од пенал за 3:2.
Но, актуелниот европски шампион експресно возврати, сите технички грешки на „црвено-црните“ ги казнуваше со лесни голови од контранапари и во 11. минута предноста на Алборг изнесуваше четири гола (4:8).
Првиот избор на голманската позиција за овој натпревар, Мартин Томовски немаше свој ден и во првите 15 минути имаше само една одбрана, по што Вујовиќ во игра го внесе Борко Ристовски кој донесе сигурност на голот и благодарение на неговите четири одбрани во првиот дел, вардарци успеаја да се вратат во игра.
Во 23. минута со голот на Валчак, Вардар дојде до израмнување (13:13). Во наредните пет минути се играше гол за гол, се до последната минута од првиот дел кога Дибиров погоди за 16:15. Во последните секунди од првиот дел, Алборг успеа да дојде до изранување преку Лесо. Во првиот дел блескаше Дибиров со шест постигнати голови, додека кај Алборг најпрецизен со четири гола беше Феликс Клар.
Вардар одлично го започна второто полувреме, со Ристовски се разбрани на голот, а во нападот проработе француската врска. „Црвено-црните“
преку Жереми Тото го постигна првиот гол, а во 35 минута по голот на Оливие Њокас за прв пат поведе и со два гола.
Ристовски потоа го одбрани пеналот на Бартхолд како и вториот обид на истиот ракометар по што Оливие Њокас беше прецизен и му донесе предност од три гола (20:17). Сите пет гола за Вардар во првите шест минути ги постигнаа Тото и Оливие Њокас, додека Ристовски имаше четири одбрани во тие моменти, од кои два беа удари од седум метри.
Кевин Њокас со својот прв гол на натпреварот, во 41 минута му носи предност на Вардар со 22:19. Во следниот напад Вардар имаше можност да поведе со четири гола предност, но „црвено-црните“ прават две грешки во додавањата и тоа Алборг го казни со два лесни гола за 30-тина секунди и намали на 22:21 во 43 минута.
Жереми Тото и Оливие Њокас ја враќаат предоста на Вардар од три гола по што наредниот период се играше гол за гол. Во 54. минута Ристовски го брани третиот седмерец на ракометарите на Алборг по што со голот на Оливие Њокас, Вардар за прв пат дојде до четири гола предност (28:24).
Сепак, ракометарите на данскиот тим не се предадоа, во офинишот ги казнија грепките на вардарци кои пет минути беа без постигнат гол, и намалија на 29:28. Сепак во 59. минута, Кевин Њокас го постави конечниот резултат, 30:28.
Најзаслужен за вториот триумф на Вардар во ЛШ е Борко Ристовски со 12 одбрани, од кои три беа седмерци, додека во нападот одличен беше Оливие Њокас со седум постигнати голови, Дибиров остана на шесте од првиот дел, додека Жереми Тото сите пет гола ги даде во второто поувреме.
Кај Алборг, Кристијан Бјорнсен беше најпрецизен со шест постигнати голови.
Следниот натпреваер во Лигата на шамионите, Вардар ќе го игра на 13 октомври, повторно на домашен терен кога го пречекува Монпелје.