Кели Озборн го прослави својот 41-ви роденден со емотивна посвета кон својот татко, Ози Озборн, кој почина во јули на 77-годишна возраст, пишува „Дејли мејл“.

Кели Озборн сподели серија фотографии од детството со легендарниот фронтмен на „Блек Сабат“ на Инстаграм, како и стари честитки за роденден што ѝ ги напишал Ози . „Утре ќе ми биде првпат“, почна Кели. „Прв роденден без татко ми.“

 

View this post on Instagram

 

A post shared by Kelly Osbourne (@kellyosbourne)

„Секоја година со нетрпение очекував да го поминам денот со него и со честитките што ми ги пишуваше“, продолжи таа. „Ми се крши срцето кога знам дека никогаш повеќе нема да добијам ниту една од нив. Еве само неколку. Тие секогаш беа кратки, едноставни, но кажуваа сè што требаше да чујам. Те сакам, тато, утре ќе биде ужасно без тебе.“ Во една честитка, Ози напишал: „До Кели, те сакам од сѐ срце“, додека во друга порака трогателно напишал: „Драга Кели, само сакам да ти кажам дека те сакам и дека ми недостигаш секоја секунда од денот.“ Секоја честитка ја потпишувал со „Те сакам, тато“.

Обожавателите на Кели и Ози ги преплавија коментарите со зборови на поддршка. „Знам дека ќе ти испрати мал знак – секогаш е со тебе“, напиша еден обожавател. Друг додаде: „Ќе биде со тебе во своето срце. Не би го пропуштил тоа за ништо светот“. Трет обожавател напиша: „Те обсипува со љубов одозгора“, додека друг додаде: „Тој е сè уште со тебе… Секогаш ќе бидеш неговото мало девојче“.

Мајката на Кели, Шерон Озборн, исто така сподели слатка роденденска порака во чест на својата ќерка, со која е исклучително блиска. „Среќен роденден Кели! Многу сум горда на тебе, ти си моето сè“, напиша Шерон на Инстаграм покрај фотографија од двете на гламурозен настан. Кели отворено проговори за своите борби со тагата по смртта на Ози, објавувајќи трогателна порака на социјалните мрежи само неколку дена по неговата погребна поворка низ Бирмингем.

„Се обидов да го напишам ова сто пати и сè уште не знам дали зборовите некогаш ќе бидат доволни… но ви благодарам од дното на моето срце“, започна Кели. „Љубовта, поддршката и прекрасните пораки што ги добив од вас навистина ми помогнаа во најтешкиот период од мојот живот. Секој љубезен збор, секој споделен момент, секој израз на сочувство ми значеше повеќе отколку што можам да објаснам.“

„Тагата е чудна работа – доаѓа во бранови – нема да бидам добро некое време – но сознанието дека моето семејство не е само во својата болка прави голема разлика“, продолжи таа. „Се држам за љубовта, светлината и наследството што го остави зад себе.“ Ози зад себе ги остави Шерон, неговата сопруга со која беше во брак 43 години , нивните деца Кели, Ејми и Џек, како и три постари деца, Џесика, Луис и Елиот од неговиот претходен брак со Телма Рајли.